Medeni Köpçülikleýin Çäreleri
Daňatar Öwezow adyndaky TMK-nyň ýanyndaky Türkmen döwlet ýörite sazçylyk mekdebinde “Zenan mertebesi-ahlak gözelligi” atly wagyz nesihat duşuşygy geçirildi.
2024-nji ýylyň 30-njy sentýabrynda “Pähim paýhas ummany Magtymguly Pyragy” ýylynda Daňatar Öwezow adyndaky TDÝSM-de talyp gelin-gyzlaryň gatnaşmagynda “Zenan mertebesi-ahlak gözelligi” atly wagyz nesihaty geçirildi. Wagyz nesihat maslahatynda mekdebiň ditektory M. Kerimow, mekdeniň Zenanlar guramasy N.Annaberdiýewa, mekdebiň Önümçülik tejribelik ýolbaşçysy S.Baýryýewa, mekdebiň Umumy ynsanperwer we durmuş ykdysady dersler bölüminiň müdüri E. Amangulyýewa dagylar çykyş etdiler.
Maslahatyň dowamynda halkymyzyň asyrlaryň dowamynda toplan ene-mamalarymyzdan miras galan milli däp-dessurlarymyzy mynasyp dowam erdirmek, maşgala ojagyna wepalylyk, asyllylyk, zähmetsöýerlik, arassa ahlaklylyk ýaly häsiýetleri terbiýelemek, tebigi gözelligi aýap saklamak, zyýanly endiklerden daşda durmak, internet ulgamyny peýdaly ullanmak, edep terbiýe barada giňişleyin çykyşlar etdiler.
Maslahatda ýurdumyzda ösüp gelýan ýaşlaryň kämilligini berkitmekde Ýaşlary Watanymyzyň daýanjy hökmünde görýän Arkadagly Gahryman Serdarymyzyň şu güni we bagtly geljegi üçin taryhy işler durmuşa geçirip, ýaşlaryň durmuşda öz mümkinçiliklerini açyp görkezmekleri üçin uly tagallalar edýändigi barada baý mazmunly gürrüňler etdiler.
Çärä gatnaşanlar sözüniň soňunda Gahryman Arkadagymyza, Arkadagly Gahryman Serdarymyza aklyş sözlerini aýtdylar we olaryň janlary sag, işleriniň rowaç bolmagyny arzuw etdiler.
Daňatar Öwezow adyndaky Türkmen döwlet ýörite sazçylyk mekdeniniň Zenanlar guramasynyň başlygy Annaberdiýewa N.O
Maýa Kulyýewa adyndaky Türkmen Milli Konserwatoriýanyň ýanyndaky Daňatar Öwezow adyndaky Türkmen döwlet ýörite sazçylyk mekdebinde Çary Saparmyradowyň 70 ýyllygy mynasybetli, halypalary hatyralap aýdym-sazly söhbetdeşlik.
Ýagşyny ýatlamak, olara hormat goýmak türkmen halkynyň gadymdan gelen däpleriniň biridir. “Pähim - paýhas ummany Magtymguly Pyragy” ýylymyzda her bir günümiz baýramçylyk çärelerine, duşuşyklara beslenýär. Ynha bu günki gün sungatda uly yz goýan halypa aýdymçy, uly pedagog, uly sesli wokalist Çary Saparmyradowyň 70 ýyllygyny Maýa Kulyýewa adyndaky Türkmen Milli Konserwatoriýanyň ýanyndaky Daňatar Öwezow adyndaky Türkmen döwlet ýörite sazçylyk mekdebinde dabaraly çäre geçirildi. Bu çärede halypanyň süýji ýatlamalary, ýerine ýetiren aýdymlary ýaňlandy.
Bu dabaraly çärede Çary Saparmyradowyň masgalasy, çagalary ýakyn hossarlary şeýle hem belli kompozitorlar, mugallymlar we talyp ýaşlar gatnaşdylar. Çary Saparmyradow başarjaň, tanymal ussat mugallym bolupdyr. Ol barada belli kompozitor Daňatar Hydyrow gowy sözler aýtdy.
Soňra Türkmenistanyň Il ýaşulusy Türkmenistanyň at gazanan artisti Atageldi Garýagdyýew çykyş etdi, onuň ýerine ýetiren aýdymlary belent sesli, türkmen aýdymlarynyň bir näçesini ýerine ýetiren belli aýdymçy Çary Saparmyradowyň öçmejek belli aýdymlaryndan okuw jaýymyzyň “Aýdym aýtmak sungaty” bölüminiň mugallymlary we talyplary başardyklaryndan ýerine ýetirdiler. Olardan Mergen Ataýew “Aýly Agşam” aýdymy, Begdurdy Çerkezow “Ýatla meni”, “Mežnunyň ariýasy” ,Söhbet Maksatmyradowyň “Leýla”, Muhammetaly Muhammedowyň “ Söýgi aýdymy“ ýerine ýetiren aýdymlary tomaşaçylaryň ýadynda halypany ýatlatdy.
Çary Saparmyradow barada dürli ýatlamalar bilen ýatlap Maýa Kuluyýewa adyndaky Türkmen milli Konserwatoriýanyň uly mugallymy Suwhan Tüýliýew çykyş etdiler. Olar halypany gowy sözler bilen ýatlap, onuň tirseginden galdyrdylar. Çary Saparmyradow işlän ýyllarynda onuň elinden çykan birnäçe talyplary gutaryp, olaryň hem atly abraýly sungat işgäri bolandygyny, olaryň hem sungata öz orunlaryny tapandygyny belläp geçdiler.
Soňra okuw jaýymyzyň halypa mugallymy Aýna Daňatarowa çykyş edip özüniň Çary Saparmyradowyň aýdymlaryna sazandalyk edendigini , onuň güýçli sesiniň bolandygyny işlemekden ýaýdanman öz sesiniň, aýdymlarynyň üstünde işläp geçendigini belläp geçdiler.
Çary Saparmyradowyň yzy ýitmän onuň çagalarynyň , agtyklarynyň hem sungatdan öz paýlaryny alandyklaryny görmek bolýar. Halypa mugallymyň maşgalasy Mamasoltan Saparmyradowa hem sungat adamsy bolup, bilelikde köp sanly çykyşlarda aýdym ýerine ýetirip, Mamasoltan mugallym hem sazandalyk edipdir. Ogly Aýmyrat Saparmyradow, Eziz Saparmyradow agtygy Şirhan Batyrow her haýsy bir sungatyň başynda durup, halypanyň sungaty nesilden nesile geçirip gelýärler.
Bu duşuşyklaryň geçirilmegi, halypa aýdymçylaryň ömri, döredijiligi, geçen ýollary, bize galdyran aýdymlaryny öwrenmek, diňlemek täzeden halka ýetirmek üçin dürli şertler döredilen. Biz ýaşlar şeýle gowy eşretli durmuşda ýaşamak, okamak, öwrenmek üçin uly mümkinçilikler döredip beren sungatymyzyň Hak Howandary Gahryman Arkadagymyz, Arkadagly Gahryman Serdarymyzyň janlarynyň sag, belent başlarynyň aman bolmagyny talyp ýüregimden sag bolsunlar aýtýaryn!
Hudaýberenowa Bägül Baýramgeldiýewna
Maýa Kulyýewa adyndaky TMK-nyň ýanyndaky Daňatar öwezow adyndaky TDÝSM-niň “Aýdym aýtmak sungaty” bölüminiň I ýyl talyby
Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinde Arkadag, Aşgabat şäherleriniň we Ahal welaýatynyň orta hünär mekdepleriniň jemgyýetçilik başlangyçlary esasynda döredilen okuw-usuly Geňeşi geçirildi.
Oktýabr aýynyň 28-ne Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinde Arkadag, Aşgabat şäherleriniň we Ahal welaýatynyň orta hünär mekdepleriniň jemgyýetçilik başlangyçlary esasynda döredilen okuw-usuly Geňeşi geçirildi. Tejribe paýlaşmak maksady bilen geçirilen okuw-usuly Geňeşine jemi ýigrimi üç sany, ýagny Arkadag, Aşgabat şäherleriniň we Ahal welaýatynyň orta hünär mekdepleriniň direktorlary we Geňeşiniň başlyklary işjeň gatnaşdylar.
Arkadag, Aşgabat şäherleriniň we Ahal welaýatynyň orta hünär mekdepleriniň jemgyýetçilik başlangyçlary esasynda döredilen okuw-usuly Geňeşiniň 2024-nji ýyl boýunça tassyklanan meýilnamasyna laýyklykda geçirilen maslahaty Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň direktory M.B.Kerimow giriş sözi bilen açyldy. Onuň yz-ýany bilen Daňatar Öwezow adyndaky Türkmen döwlet ýörite sazçylyk mekdebiniň Önümçilik tejribe ýolbaşçysy S.B.Baýryýewa öz çykyşy bilen dowam etdi. Çykyşyň dowamynda S.Baýryýewa Daňatar Öwezow adyndaky Türkmen döwlet ýörite sazçylyk mekdebiniň döredilişi we onuň taryhy ýoly, mekdepde hereket edýän bölümleri hakynda täsirli wideo ýazgy arkaly giňişleýin gürrüň berdi, şeýle-de bu okuw jaýynda okap giden häzirki döwürde tanymal kompozitorlary barada belläp geçdi.
Mundan başga-da Geňeşiniň dowamynda Daňatar Öwezow adyndaky Türkmen döwlet ýörite sazçylyk mekdebiniň mugallymy B.Garryýewa “Orta hünär okuw mekdepleriniň talyplarynyň arasynda milli medeniýeti wasp etmek, onuň terbiýeçilik, watansöýüji, ynsanperwer we ruhy-ahlak täsirini görkezmek babatda tejribe alyşmak” atly temasy bilen, Türkmenistanyň Gahrymany Atamyrat Nyýazow adyndaky Ýöriteleşdirilen bank mekdebiniň Bedenterbiýe mugallymy Gurbannazar Kakajaýewiň “Dürli derejeli sport ýaryşlaryna we çärelerine gatnaşýan sportuň görnüşleri boýunça Türkmenistanyň milli ýygyndy toparlaryň hünär bilimi edaralarynda okaýan agzalaryny özbaşdak okuw meýilnamasy boýunça okatmagyň Tertibiniň ýerine ýetirilişi” temasy bilen, “Türkmenhowaýollary” agentliginiň Howa ulaglarynyň işgärlerini taýýarlaýan mekdebiniň “Howa ulaglarynyň hünärmenlerini taýýarlaýan” bölüminiň başlygy Kadyr Amandurdyýewiň “Bilim edaralarynyň pedagogik işgärleriniň we ýolbaşçylarynyň wezipe sanawyndan gelip çykýan wezipeleri işläp düzmek” atly temasy we taýýarlan prezentasiýalary bilen çykyş etdiler. Okuw-usuly Geňeşiniň dowamynda gün tertibiniň soraglary boýunça maslahata gatnaşyjylaryň pikirlerini, tekliplerini ara alyp maslahatlaşdylar we çäräniň ahyrynda ähli mümkinçilikleri döredip berýän Arkadagymyza, Arkadagly Gahryman Serdarymyza alkyş sözlerini aýdyp maslahatyň jemini jemlediler.
Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinde Arkadag, Aşgabat şäherleriniň we Ahal welaýatynyň orta hünär mekdepleriniň jemgyýetçilik başlangyçlary esasynda geçirilen okuw-usuly Geňeşi geçirilip bolanyndan soňra ähli gelen myhmanlar Daňatar Öwezow adyndaky Türkmen döwlet ýörite sazçylyk mekdebiniň taýýarlan türkmen we daşary ýurt kompozitorlarynyň eserlerinden düzülen gyzykly we täsirli konsertine tomaşa etdiler .
Jennet ORAZOWA
Maýa Kulyýewa adyndaky TMK-nyň ýanyndaky
Daňatar Öwezow adyndaky
Türkmen döwlet ýörite sazçylyk mekdebiniň mugallymy
