Makala
“Men geljekki mugallym” bäsleşigi
Türkmen halkynyň Milli Lideri Gahryman Arkadagymyzyň we Hormatly Gahryman Prezidentimiziň türkmen ýaşlarynyň döwrebap bilim almaklary üçin edýän taýsyz tagallalarynyň esasynda ýurdumyzda okatmagyň usulyýetini kämilleşdirmek boýunça ençeme işler alnyp barylýar. Berkarar döwletiň täze eýýamynyň Galkynyşy döwründe gelejekki döwrebap mugallymlary taýýarlamakda, talyplaryň döredijilik başarnyklaryny we ussatlygyny has-da ýokarlandyrmak maksady bilen “Pähim-paýhas ummany Magtymguly Pyragy” ýylynda mekdebimiziň “Sazyň taryhy we nazaryýeti” bölüminiň III ýyl talyplarynyň arasynda “Men geljekki mugallym” atly prezentasiýalar boýunça döredijilik bäsleşigi geçirilip, bäsleşikde talyplar okatmagyň usulyýeti, mugallymçylyk tejribeligi derslerinden alan bilimini we başarnyklaryny görkezmegi başardylar. Bäsleşige adalatly baha beren emin agzalar mekdebimiziň okuw we terbiýeçilik işleri boýunça direktorynyň orunbasary S.E.Baýramow, Önümçilik tejribeliginiň ýolbaşçysy we “Sazyň taryhy we nazaryýeti” bölüminiň müdiri S.S.Baýryýewa, “Sazyň taryhy we nazaryýeti” bölüminiň mugallymlary L.N.Amanowa we M.Ç.Jumaýewa talyplaryň prezentasiýalarynyň hiline, saýlap alan temalarynyň mazmunyna, temany düşündirmekde dil baýlyklaryna, çagalara saz bilimini ýeňil we sada dilde düşündirip bilmek ukyplaryna aýratyn üns berdiler. Bäsleşikde XVII asyryň beýik nemes kompozitory “Iogann Sebastýan Bahyň ömri we döredijiligi” atly prezentasiýaly çykyşy bilen saýlan temasyny saz parçalary bilen baýlaşdyryp, alçaklygy bilen tapawutlanyp göwnejaý düşündirmegi başaran Saparowa Umida I-nji orna mynasyp bolmagy başardy. Awstriýanyň beýik kompozitory “Ýozef Gaýdynyň ömri we döredijiligi” tema bilen Weliýewa Ogulgerek II- nji orna mynasyp bolmagy başardy. Ol öz çykyşynda diňe bir Gaýdnyň ömri döredijiligi bilen çäklenmän eýsem, onuň döwründe ýerine ýetirilen organ, klawisin ýaly saz gurallary hem görkezip düşündirmegi başardy we diňleýjileri maýyl etdi. Saz sungatynda ähmiýetli orny eýeleýän “Türkmen halk saz döredijiligi” atly prezentasiýaly çykyşynda özüniň tema düşündirişi, wideo bölejikleriniň maksada laýyk sazlaşykly ýerleşdirmegi başaran Durdyýewa Gülmira III- nji orna mynasyp boldy. Bäsleşigiň ýeňijilerine mekdebiň direktorynyň orunbasary S.E.Baýramow tarapyndan Hormat hatlar bilen sylaglanyp höweslendiriji sowgatlar berildi. Ýurdumyzda döwrebap saz mugallymlaryny taýýarlamaga giň mümkinçilikleri döredip beren medeniýetimiziň we sungatymyzyň hak howandary Gahryman Arkadagymyza we Arkadagly Gahryman Serdarymyza “Sazyň taryhy we nazaryýeti” bölüminiň mugallymlarynyň we talyplarynyň adyndan alkyş sözleriniň belentden ýaňlanmagy bilen jemlendi.
Taýýarlan: “Sazyň taryhy we nazaryýeti” bölüminiň
mugallymy Geldibaýewa L.H.
Baýraklaryňyz gutly bolsun!
Gahryman Arkadagymyzyň, Arkadagly Gahryman Serdarymyzyň ýaşlar hakynda edýän uly aladalary bolsa, belent maksatlarymyza joşgun, yhlasymyza ganatly ylham berýär. Türkmen ýaşlarmyzyň joşgunly hyjuwy, ata Watana bolan beýik söýgüsi, halal zähmede yhlasy, şu güne buýsanjy, röwşen gelejege ynamy, dostluga, söýgä bolan sarpasy, Arkadagly Gahryman Serdarymyzyň beýik ynsanperwer işleriniň beýanynda öz synmaz ornuny tapýar. Ýaşlar syýasatynyň üstünlikli dabaralanýan ýyly bolan “Pähim-paýhas ummany Magtymguly Pyragy ýylynda” Tükmenistanyň Magtymguly adyndaky Ýaşlar guramasynyň Merkezi Geňeşiniň döredilen güni mynasybetli Türkmenistanyň Ýaşlar baýragynyň gowşurylyş dabarasy boldy. Hormatly Prezidentimiziň baştutanlygynda ýurdumyzda alnypbarylýan hoşniýetli içeri we daşary syýasatyny, durmuşa geçirýän beýik özgertmelerini, halkymyzyň aýratyn hem ýaşlaryň arasynda wagyz-nesihat etmekde, şeýle hem edebiýatda, sungatda, medeniýetde, oba hojalygynda, sportda, saglygy goraýyşda, bilim we terbiýeçilik işlerinde gazanan üstünliklerini,ýokary döredijilik başarnygyny hem-de işjeňligini görkezenligi üçin Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň “Sazyň taryhy we nazaryýeti” bölüminiň mugallymy Aýdogdyýewa Bägül Allamyradowna hem nesip etdi. Oňa hormatly Prezidentimiziň adyndan gymmat bahaly sowgady we şahadatnama gowşuryldy. Bu bolsa, geljekde hem ýaşlarmyzy watançylyk ruhunda terbiýelemekde yhlasly zähmet çekmäge ruhlandyrar. Ýurduň geljegine deňelýän ýaşlaryň abraý- mertebesini belentliklere ýetiren, ak ertirlerimize giň ýol açan hormatly Prezidentimiziň daşyna berk jebisleşip işlemekligiň, halal zähmet çekmekligiň özünde uly güýç bar. Şeýle ajaýyplyklardan ruhlanýan türkmen ýaşlarynyň her bir güni toýdur baýramlara, şatlykly wakalara beslenýär.
Goý geljegimizi ýaşlaryň ykbalynda görýän Gahryman Arkadagymyzyň, ýaşlarmyzy Watanymyzyň daýanjy hasaplaýan Arkadagly Gahryman Serdarymyzyň janlary sag bolsun, ömürleri uzak bolsun, il-ýurt bähbitli alyp barýan tutumly işleri hemişe rowaçlyklara beslensin!
Maýa Kulyýewa adyndaky Türkmen milli konserwatoriýasynyň ýanyndaky
Daňatar Öwezow adyndaky Türkmen döwlet ýörite sazçylyk mekdebiniň
“Sazyň taryhy we nazaryýeti” bölüminiň mugallymy Geldibaýewa Laçyn
Türkmenistanda halkara kinofestiwal geçirilýär
Paýtagtymyzda 13-15-nji noýabr aralykda “Gorkut ata” adyndaky Halkara kinofestiwaly geçirilýär.
Türki döwletleriniň wekilleriniň gatnaşmagynda geçirilýän halkara kinoforumyň esasy maksady kinemotagrafiýa pudagynda hyzmatdaşlygy, kinosungatyny ösdürmek we dünýä jemgyýetçiligini öz halklarynyň medeniýeti bilen tanyşdymakdyrdyr.
Kinofestiwalynyň açylyş dabarasy Türkmenistanyň Döwlet medeniýet merkeziniň Mukamlar köşgünde geçirildi. Köşgüniň dabaraly bezelen eýwanynda türkmen kinosynyň taryhyna gezelenç etmäge mümkinçilik berýän sergisi açyldy. Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň bagşy-sazandalarynyň şahyrymyz Magtymguly Pyragynyň sözlerine ýerine ýetiren aýdymlary baýramçylyk atmosferasyna ajaýyp milliligi goşdular.
Kinofestiwal Türkmenistanyň Beýik Saparmyrat Türkmenbaşy adyndaky Baş akdemiki drama teatrynyň sungat işgärleriniň ýurdumyzyň tans toparlarymyzyň bilen bilelikde ýerine ýetiren “Türkmen dünýäsi” atly edebi-sazly kompozisiýasy bilen açyldy. Onuň yzynda Oguzhan adyndaky Türkmenfilm birleşigi tarapyndan taýýarlanan “Gorkut ata” wideosynyň görkezilmegi bilen dowam etdi. Soňra Mukamlar köşgüniň sahnasynyna festiwalyň nyşany bolan “Durna” guşunyň heýkeljigi sahna çykaryldy. Mundan başga-da kinofestiwalynyň dowamynda çeper we dokumental filmleri bilen tanyşdyrýan gysga metražly wideoroliklaryň, şeýle-de Oguzhan adyndaky “Türkmen film” tarapyndan düşürilen kinofilmleri barada wideo ýazgylaryň görkezilşi boldy. Kinoforumyň ilkinji güni türkmen medeniýet we sungat işgärleriniň çykyşlary bilen jemlendi.
TMK-nyň ýanyndaky Daňatar Öwezow adyndaky TDÝSM-niň
Mugallymy Jennat Orazowa
Russiýa federasiýasynyň Moskwa şäherinde, N.Halmämmedow adyndaky ”Dutaryň Owazy” ady bilen geçirilen VII-nji halkara online festiwal bäsleşigi.
Ähli ugurlar bilen birhatarda bize sungat äleminde halypa bolup durýan Gahryman Arkadagymyzyň we Arkadagly Gahryman Serdarymyzyň alyp barýan syýasatyny goldap, biz ýaş hünärmenlere daşary dost-doganlyk ýurtlar bilen online sanly ulgamy arkaly özara pikir we tejribe alşyp, öz türkmen aýdym-saz sungatymyzy mundan beýläkde ösdürmek we başardygymyzdan öz goşandymyzy goşmak maksady bilen ýurtlar arasynda geçirilýän halkara bäsleşiklere, festiwallara öz talyplarymyzy we özümiz gatnaşyp öz zehin başarnyklarymyzy görkezmäge çalyşýarys.
Şu maksat bilen Ýaňy ýakynda Russiýa Federasiýasynyň Moskwa şäherinde, N.Halmämmedow adyndaky ”Dutaryň Owazy” ady bilen geçirilen VII-nji halkara online festiwal-bäsleşigi uly şatlyk şowhuna beslenip, gyzykly hem diýseň çekeleşikli geçirildi. Ähli dost -doganlyk ýurtlary bilen bir hatarda, biziň ýurdumyzdan hem birnäçe wokal aýdymçylar we sazandalar bu bäsleşige öz eserleri bilen gatnaşdylar. Bu festiwal bäsleşige gatnaşyp, 1-nji oruna mynasyp bolmak bagty maňada nesip etdi. Men bu bäsleşige birnäçe halypa aýdymçylarymyzyň, Nusgawy kompazitorlarymyzyň sazlaryna ýazylan, Türkmen operalaryndan birnäçe ariýalaryny ýerine ýetirip hödürledim. Ýagny kompozitor Ýuli Meýtusyň Magtymguly operasyndan “Magtymgulynyň ariýasyny”, G F Gendeliň “Diginare” we Russiýaly kompozitor Guseýn Mämmedowyň sazyna, Gurbannazar Ezizowyň sözlerine “Meniň topragym” atly eserleri bilen gatnaşdym. Bu bäsleşik mende uly täsir galdyrdy we tolgundyrdy. Elbetde, bu bäsleşikde başga ýurtly wokal aýdymçylar bilen öz zehiniňi synamak, islendik aýdymçy üçin uly jogapkärçiligi, zähmeti talap edýär we öz käriňe bolan söýgüni döredýär.
Aýdym saz bäsleşikler biziň ýurdumyzda hem yzygiderli geçirilip durulýar. Ýöne halkara bäsleşiklere gatnaşyp öz zehiniňi synamak we ýokarky orunlara mynasyp bolmak bolsa has gyzykly we begençli. Elbetde bu üstünlikleriň aňyrsynda halypalarymyzyň uly yhlasy, öz zähmetiň we hünäriňe bolan höwesiň ýatyr. Özüňdäki bar sungatyňy deň duşlaryňa we diňleýjileriňe açyp görkezmek esasy zatlaryň biridir. Öz sungatymy diňe bir öz ýurdumyzda däl, eýsem daşary ýurtlarda hem açyp gerkezmek üçiň bize birnäçe mümkinçilikleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza özümiň çäksiz minnetdarlygymy bildirýärin.
Maýa Kulyýewa adyndaky TMK-nyň ýanyndaky Daňatar Öwezow adyndaky Türkmen Döwlet ýörite sazçylyk mekdebiniň “Aýdym aýtmak” sungaty bölüminiň mugallymy Begdurdy Çerkezow
Buýsançly ýaşlar
Berkarar döwletimiziň täze eýýamynyň Galkynyşy döwrüniň her bir güni şatlyk şowhuna beslenýär. Ýakynda hem Maýa Kulyýewa adyndaky Türkmen döwlet ýörite sazçylyk mekdebimiziň aýdym-saz toparlarynyň taýýarlan çykyşlaryny halk köpçüligine ýetirmek maksady bilen “Türkmen owazy” teleýaýlymyna ýazgy edildi. Mekdebiň “Aýdym aýtmak sungaty”, “Estrada sungaty” bölüminiň talyplary, hor topary hem-de deprekçiler topary özleriniň taýýarlan ajaýyp eserlerini ýerine ýetirdiler. Ýerine ýetirilen eserler esasanam, daşary ýurt dillerindäki aýdymlar bolup, talyp ýaşlar öz başarnyklaryny ussatlyk bilen görkezdiler. Bu aýdymlardan gazak aýdymy “Kamajaý”, azerbeýjan aýdymy “Daglarda duman güzäldi”, italiýan aýdymy “Kisas kisas”, özbek aýdymy “Kel, kel janym”, täjik aýdymy “Bati she” ýaly aýdymlary görkezmek bolar. Mekdebiň mugallymy Myrat Jumaýewiň ýolbaşçylygyndaky estrada topary hem “Libertango”, “Dans Monkey”, “Bad guy” atly daşary ýurt sazlaryny ýerine ýetirdiler. Deprekçiler toparynyň ýerine ýetiren “Bagtyýarlyk sazy” eseri bolsa has-da şowhunly bolup, konsertiň iň gyzykly pursaty diýsek ýalňyşmarys. Mekdebiň mugallymy Maýagözel Amangeldiýewanyň ýolbaşçylygyndaky hor topary hem “Çal oýna” atly azerbeýjan aýdymyny ýerine ýetirdiler. Konsert “Aýdym aýtmak sungaty” bölüminiň talyplary Abdyllaýewa Aýjeren, Hojagurbanowa Ogulbagt, Batyrow Nurgeldi we Kakamyradow Rejepmyrat dagynyň ýerine ýetirmegindäki “Arkadagly Gahryman Serdara şöhrat” atly buýsançly aýdymy bilen jemlendi. Bu ajaýyp aýdymyň üsti bilen talyp ýaşlar döredilýän mümkinçilikler üçin Gahryman Arkadagymyza, Arkadagly Gahryman Serdarymyza köp sag bolsunlaryny aýtdylar.
Maýa Kulyýewa adyndaky TMK-nyň ýanyndaky
Daňatar Öwezow adyndaky TDÝSM-niň
“Sazyň taryhy we nazaryýeti” bölüminiň mugallymy
Aýdogdyýewa B.A.
Maýa Kulyýewa adyndaky Türkmen milli konserwatoriýasynyň
ýanyndaky Daňatar Öwezow adyndaky Türkmen döwlet ýörite sazçylyk
mekdebinde “Ylym, bilim, medeniýet ulgamlaryny kämilleşdirmegiň meseleleri” atly ylmy maslahaty geçirildi.
Oktýabr aýynyň 31-ne Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinde “Ylym, bilim, medeniýet ulgamlaryny kämilleşdirmegiň meseleleri” atly ylmy maslahaty geçirildi. Bu geçirilen ylmy maslahata Türkmenistanyň medeniýet ministrliginiň, Aşgabat şäher medeniýet müdirliginiň, Aşgabat şäher baş bilim müdirliginiň we başgada medeniýet pudagynyň wekilleri gatnaşdylar. Bular bilen birlikde talyplaryň hossarlarynyň gatnaşandyklaryny hem bellemeli. Geçirilen bu ylmy maslahatda wekiller okuw usulyýetini kämilleşdirmekde zerur hasaplanan täzeçillikleriň girizilmegini teklip etdiler. Ýaşlaryň bilim derejesini kämilleşdirmek bähbidi bilen edilen teklipler ýygnaga gatnaşyjylar tarapyndan oňyn kabul edildi. Ýygnakda diňe bir mugallymlar öz pikirni beýan etmek bilen çäklenmän, talyplaryň teklipleri hem diňlenildi.
Ýaşlaryň bilim derejesini kämilleşdirmek meselesini ähli meselelerden ileri goýýan Hormatly Arkadagymyza, Arkadagly Gahryman Serdarymyza il bähbitli, döwlet ähmiýetli geçirilýän şeýle ýygnaklara döredip beren mümkinçilikleri üçin köp sagbolsunymyzy aýdyp, alyp barýan işleriniň rowaçlyklara beslenmegini arzuw edýäris.
“Sazyň taryhy we nazaryýeti” bölüminiň IV ýyl talyby Yhlas Artykow
Beýik söz ussady Magtymguly Pyragy - dünýä düşdi çyragy
Berkarar döwletimiziň täze, eýýamynyň Galkynyşy döwründe ata-babalarymyzyň beýik söz ussady Magtymguly Pyragynyň arzuwlan berkarar döwletiniň şan-şöhraty halkymyzyň eşretli durmuşynyň parahatçylygyň we abadançylygyň, özara ynanyşmagyň hem-de ylalaşygyň kepili bolup dünýä ýaýylýar.
2024-nji ýylyň “Pähim-paýhas ummany Magtymguly Pyragy” diýlip yglan edilmegi ene dilimize, nusgawy edebiýatymyza, milli medeniýetimize bolan buýsanç, geçmişi mirasymyzy öwrenmäge ruhlandyrýar. Magtymguly Pyragy durmuşyň dürli taraplary barada ajaýyp şygyrlary döretmek bilen baý medeni mirasy täzeden dikeltdi. Biz ýaşlar bolsa şahyrymyzyň goşgularyny halypa mugallymlarymyzyň öwretmegi bilen saza salyp aýdym edip ýerine ýetirýäris.
Maýa Kulyýewa adyndaky Türkmen milli Konserwatoriýasynyň ýanyndaky Daňatar Öwezow adyndaky Türkmen Döwlet ýörite sazçylyk mekdebiniň “Bagşylar ansambly” bilen bilelikde Magtymguly Pyragynyň 300 ýyllygy mynasybetli “Türkmen owazy” teleýaýlymynda aýdym-sazly ýazgy gurnaldy. Ilki Bagşylar ansambly bilen bilelikde ýerine ýetirmegimizde Serdar Baýramowyň sazyna Döwletgeldi Annamyradowyň sözüne “Pähim-paýhas ummany Magtymguly Pyragy” atly aýdymyny ýerine ýetirdik. Soňra bölümiň talyplary şahyrymyz Magtymguly Pyragynyň goşgularyna hersi ýekelikde “Bu gün”, “Jem bolup”, “Sataşdym”, “Il ýagşy”, “Bolmasa”, “Aýa döndi”, “Dert iňňildir”, “Sil galmaz”, “Gelmezmi” ýaly goşgularyny saza salyp aýdym ýerine ýetirdiler we ýazgy diýseň şowhunly boldy. Akyldarymyzyň bu goşgularynyň üsti bilen eziz watanymyza, ene topragymyza, aýal-gyzlara goýulýan sylag hormat wasp edildi. Bu bolsa talyp ýaşlaryň tejribesiniň artmagyna, kämilleşmegine uly ýardam berdi.
Bizi şeýle zamanada ýaşadýan Gahryman Arkadagymyzyň Arkadagly Gahryman Serdarymyzyň jany sag başy dik tutýan tutumly işleriniň rowaçlyklara beslenmegini talyp ýüregimden arzuw edýärin.
Ogulgerek Baýryýewa
Maýa Kulyýewa adyndaky Türkmen milli
konserwatoriýasynyň ýanyndaky Daňatar
Öwezow adyndaky Türkmen döwlet ýörite
sazçylyk mekdebiniň “Bagşyçylyk sungaty”
bölüminiň III ýyl talyby
Magtymguly Pyragynyň 300 ýyllygy mynasybetli “Garaşsyzlyk seýilgähinde”, “Magtymguly Pyragy-dünýä danasy” atly aýdym-sazly çäresi.
“Pähim-paýhas ummany Magtymguly Pyragy” ýylynda Arkadagly Gahryman Serdarymyzyň saýasynda Gündogaryň akyldar şahyry Magtymguly Pyragynyň doglan gününiň 300 ýyllygy mynasybetli halkara derejesinde giňden bellenilýär. Muňa mysal edilip täze taryhy döwürde Köpetdagyň eteginde Magtymguly Pyragynyň ägirt uly 60metr heýkeliniň gurulmagy beýik şahyryň ömrüne, döredijilik mirasyna Gahryman Arkadagymyzyň Arkadagly Gahryman Serdarymyzyň başlangyjy bilen uly sarpa goýulýar.
Maýa Kulyýewa adyndaky Türkmen milli Konserwatoriýasynyň ýanyndaky Daňatar Öwezow adyndaky Türkmen Döwlet ýörite sazçylyk mekdebi we Aşgabat şäheriniň Köpetdag etrap häkimligi bilen bilelikde gurnamaklarynda Magtymguly Pyragynyň 300 ýyllygy mynasybetli “Garaşsyzlyk seýilgähinde”, “Magtymguly Pyragy-dünýä danasy” atly aýdym-sazly çäre geçirildi.
Bu çäräniň başynda Şöhrat Mededowyň ýolbaşçylyk etmeginde mekdebiň “Bagşylar ansamblynyň” ýerine ýetirmeginde Gahryman Arkadagymyzy, Hormatly Prezidentimizi hem-de Magtymguly Pyragyny wasp etýän aýdym bilen başlandy. Soňra bolsa Bagşylar ansamblynyň sazandarlyk etmeginde mekdebin “Bagşyçylyk sungaty” bölüminiň talyplary akyldar şahyryň sözlerine bir näçe aýdymlary uly joşgun bilen ýerine ýetirdiler. Olardan Baýryýewa Ogulgerek “Aýa döndi” türkmen halk aýdymy şeýle hem Mekdebiň talyby Annaýew Serdar “Bellidir” türkmen halk aýdymy bilen, hem-de Tuwakow Döwlet “Tapmaz sen” türkmen halk aýdymy bilen çykyş etdi. Türkmen medeniýetiniň baý genji-hazynasyna öwrülen Magtymguly Pyragynyň çuňňur pähim-paýhasa ýugrulan goşgudyr şygyrlaryna döredilen aýdymlar bilen çäre örän gyzykly geçdi.
Sahydursun Mätiýewa
Maýa kulyýewa adyndaky Türkmen milli
konserwatoriýasynyň ýanyndaky Daňatar
Öwezow adyndaky Türkmen döwlet ýörite
sazçylyk mekdebiniň “Bagşyçylyk sungaty” bölüminiň IV ýyl talyby
Maýa Kulyýewa adyndaky Türkmen milli konserwatoriýasynda geçirilen “Ýaşlyk joşguny” atly bäsleşigiň yzysüresi aprel aýynyň 29-dan maý aýynyň 4-i aralygynda “Sazyň nazaryýeti” we “Sazyň taryhy” kafedralarynyň hepdeligi geçirildi.
Hepdeligiň dowamynda ýurdumyzda ýerleşýän ýörite sazçylyk we çagalar sazçylyk mekdepleriniň ýerine ýetiriji, şeýle-de nazaryýetçi mugallymlarynyň arasynda “Türkmenistanda saz biliminiň we ýerine ýetirijilik sungatynyň wajyp meseleleri” atly ylmy-usuly maslahat geçirildi. Hepdeligiň çäklerinde geçirilen bu maslahata ýurdumyzyň dürli künjeklerinden gelen mugallymlar bilen birlikde Daňatar Öwezow adyndaky Türkmen döwlet ýörite sazçylyk mekdebinden S.Baýryýewa, S.Kasimi we M.Jumaýew ýaly tejribeli mugallymlar hem gatnaşdylar.
Birnäçe bölümçelere bölünip geçirilen maslahatda Daňatar Öwezow adyndaky Türkmen döwlet ýörite sazçylyk mekdebiniň “Sazyň taryhy we nazaryýeti” bölüminiň müdiri S.S.Baýryýewa “Ýörite sazçylyk we sungat mekdeplerinde okuw prosesini gurnamagyň wajyp meseleleri” atly taýýarlan çykyşynda mugallymlar üçin geljekde iş ýüzünde peýdaly boljak meseleleriň birnäçesini gozgady. Mugallym öz çykyşynda sapagyň dürli görnüşleri, aýratyn hem adaty däl sapaklaryň görnüşleriniň üstünde jikme-jik durup geçdi. Çykyşyň ýany bilen taýýarlanan gysga görnüşli wideo ýazgylar, prezentasiýalar maslahata gatnaşyjylarda aýratyn täsir galdyrdy. Şeýle-de Sähra Baýryýewa öz bölüminiň mugallymlary tarapyndan nazaryýet dersler toplumyna girýän dersleriň ählisinden taýýarlanan sazly goşundyny maslahata gatnaşyjylaryň dykgatyna ýetirdi. Mugallymlaryň taýýarlan bu işi geljekde talyp ýaşlaryň özbaşdak bilim almaklarynda, sapagyň hilini ýokarlandyrmakda ýardamçy bolup hyzmat etjekdigine uly ynamynyň bardygyny belläp geçdi. Bu bolsa Arkadagly Gahryman Serdarymyzyň sanly bilim ugamynyň düýpli durmuşa ornaşdyrmak baradaky öňe sürýän syýasatyna mugallymlar tarapyndan seslenme bolup durýandygyny belläp geçdi.
Ýerine ýetiriji mugallymlaryň çykyşlaryny özünde jemleýän beýleki bölümçelerde geçirilen maslahatda mekdebiň “Estrada sungaty” bölüminiň tejribeli mugallymy Myrat Jumaýew “Ýerine ýetirijilik interpretasiýasy” atly temasy bilen çykyş etdi. Şeýle-de mekdebiň “Kirişli saz gurallar” bölüminiň baýry mugallymlarynyň biri Seýran Kasimi “Skripka saz guralyny okatmagyň käbir aýratynlyklary” atly taýýarlan çykyşyny egindeş ýoldaşlarynyň dykgatyna ýetirdi. Skripka saz guralyna ezber Seýran mugallym çykyşynyň ýany bilen A. Şapoşnikowyň döreden “Poema” atly eserini hem skripka saz guralynda ýerine ýetiridi.
Türkmen ýaşlarynyň döwrebap bilim almaklary, zehinli hünärmenler bolup ýetişmekleri ugrunda atalyk aladalaryny yzygiderli durmuşa geçirýän Hormatly Arkadagymyzyň, Arkadagly Gahryman Serdarymyzyň il, ýurt bähbitli alyp barýan işleri rowaçlyklara beslensin.
“Sazyň taryhy we nazaryýeti”
bölüminiň mugallymy
Mähriban Jumaýewa
Aýdym aýtmak sungaty bölüminiň “Pähim paýhas ummany Magtymguly Pyragy” ýylynda Magtymguly Pyragynyň doglan gününiň 300 ýyllygyna bagyşlanyp Hasabat konserti makala
Berkarar döwletiň täze eýýamynyň Galkynyşy döwründe ýurdymyzda toýlar-toýlara ulaşýar. Güneşli diýarymyzda Berkarar döwletimizde şeýle toýlaryň biri hem Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky T.D.Ý.S-nyň “Aýdym aýtmak sungaty” bölümi, halypa mugallymlary we talyp ýaşlary bilen bilelikde hasabat konserdini geçirdi. Konsert türkmeniň akyldar şahyry, Magtymguly Pyragynyň dogulan güniniň 300 ýyllygyna we Mekdebiň açylanyna 95 ýylyň dolmagy mynasybetli Aýdym aýtmak sungaty bölüminiň hasabat konserti geçirildi.
Konserdiň başynda asuda ýurdymyzy bedew bady bilen öňe alyp barýan, Gahryman Arkadagymyzy, Arkadagly Gahryman Serdarymyzy wasp edýän goşgylardyr aýdymlar ýaňlandy. Bu konsert uly şatlyk şowhuna beslenip, konsertde Türkmen nusgawy kompazitorlarynyň sazyna, Magtymguly Pyragynyň sözlerine düzülen aýdymdyr romanslar we dünýä belli daşary ýurt kompazitorlarynyň aýdymlarydyr ariýalary ýaňlandy
Bu aýdymlary bölümiň talyp ýaşlary uly höwes bilen ýerine ýetirdiler. Şeýle konsertler mekdebimizde yzygiderli geçirilip durulýar. Talyp ýaşlarymyzyň ene-atalary diňlemäge, görmäge geldiler.
Aýdymçy talyp ýaşlarymyzyň her biriniň kalbynda asuda watanymyza bolan söýgüni, Gahryman Arkadagmyzyň, Arkadagly Gahryman Serdarymyzyň saýasynda erkana aýdym aýdýandyklaryna çäksiz buýsanýan ýüzleri göreniňde, göwün guşy ganatlanýar. Bu aýdymçy talyp ýaşlaryň gelejege bolan ynamy günsaýyn artýar.
Konsert ýurdymyzyň ösüşlerini we Gahryman Arkadagmyzyň, Arkadagly Gahryman Serdarymyzyň alyp barýan syýasatyny wasp edýän aýdym bilen jemlendi.
Begdurdy Çerkezow
Maýa Kulyýewa adyndaky Türkmen
milli konserwatoriýasynyň ýanyndaky
Daňatar Öwezow adyndaky T.D.Ý.S
mekdebiniň “Aýdym aýtmak sungaty”
bölüminiň mugallymy
Saza beslenip
Berkarar döwletimizde ýaşlara saz ugrundan hünär öwretmek, olaryň saz dünýägaraýyşyny giňeltmek mugallymlaryň paýyna düşýär. Şeýle hem sazandanyň konsert tejribesiniň artmagy üçin, sahnada erkin çykyş etmek, özüňi alyp barmagyň medeniýeti ýaly ençeme wajyp bolan ukyp-başarnyklar yzygiderli gurnalýan konsertleriň medeni çäreleriň esasynda türgenleşdirilýär. Ine ýaňy ýakynda hem Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň “Üflenip we kakylyp çalynýan saz gurallary” hem-de “Estrada sungaty” bölümleri tarapyndan “Pähim-paýhas ummany Magtymguly Pyragy” ýyly mynasybetli hasabat konserti geçirildi. Konsertde bu bölümlerde okap bilim alýan talyplar hünär derslerinden, şeýle hem ansambl derslerinden öwrenen ajaýyp saz eserlerini ýerine ýetirdiler. Türkmen we daşary ýurt kompozitorlarynyň nusgawy eserleri bilen bir hatarda estrada we jaz akymyna degişli eserler hem belentden-belent ýaňlandy. Talyplaryň üstünlikli çykyşlary olary konserte taýýarlan mugallymlarynyň hem zähmetiniň hözürini aýdyň görkezdi. Konsertiň dowamynda bölümiň IV ýyl talyby “Ýaşlyk joşguny-2024” bäsleşiginiň ýeňijisi Atajanow Ýagmyrgeldiniň ýerine ýetiren eseri tomaşaçylar tarapyndan gyzgyn el çarpyşmalar bilen garşylandy. Mundan başga-da ansambl toparlarynyň ýerine ýetiren jaz eserleri, “Estrada sungaty” bölüminiň I ýyl talyby Kamilow Rasulyň ýerine ýetiren eseri konsertiň şowhunyny has-da artdyrdy. Bize şular ýaly giň we owadan sahnalarda çykyş etmek üçin uly mümkinçilikleri döredip beren Gahryman Arkadagymyza we Arkadagly Gahryman Serdarymyza çäksiz munnetdarlygymyzy bildirýäris. Gahryman Arkadagymyzyň we Arkadagly Gahryman Serdarymyzyň janlary sag, belent başlary aman bolsun!
Süleýman Gurbanow
Maýa Kulyýewa adyndaky TMK-nyň ýanyndaky
DaňatarÖwezow adyndaky TDÝSM-niň
“ÜKÇSG” we “ES” bölümleriniň müdiri
Maýa Kulyýewa adyndaky Türkmen Milli Konserwatoriýanyň ýanyndaky Daňatar Öwezow adyndaky Türkmen döwlet ýörite sazçylyk mekdebinde Çary Saparmyradowyň 70 ýyllygy mynasybetli, halypalary hatyralap aýdym-sazly söhbetdeşlik.
Ýagşyny ýatlamak, olara hormat goýmak türkmen halkynyň gadymdan gelen däpleriniň biridir. “Pähim - paýhas ummany Magtymguly Pyragy” ýylymyzda her bir günümiz baýramçylyk çärelerine, duşuşyklara beslenýär. Ynha bu günki gün sungatda uly yz goýan halypa aýdymçy, uly pedagog, uly sesli wokalist Çary Saparmyradowyň 70 ýyllygyny Maýa Kulyýewa adyndaky Türkmen Milli Konserwatoriýanyň ýanyndaky Daňatar Öwezow adyndaky Türkmen döwlet ýörite sazçylyk mekdebinde dabaraly çäre geçirildi. Bu çärede halypanyň süýji ýatlamalary, ýerine ýetiren aýdymlary ýaňlandy.
Bu dabaraly çärede Çary Saparmyradowyň masgalasy, çagalary ýakyn hossarlary şeýle hem belli kompozitorlar, mugallymlar we talyp ýaşlar gatnaşdylar. Çary Saparmyradow başarjaň, tanymal ussat mugallym bolupdyr. Ol barada belli kompozitor Daňatar Hydyrow gowy sözler aýtdy.
Soňra Türkmenistanyň Il ýaşulusy Türkmenistanyň at gazanan artisti Atageldi Garýagdyýew çykyş etdi, onuň ýerine ýetiren aýdymlary belent sesli, türkmen aýdymlarynyň bir näçesini ýerine ýetiren belli aýdymçy Çary Saparmyradowyň öçmejek belli aýdymlaryndan okuw jaýymyzyň “Aýdym aýtmak sungaty” bölüminiň mugallymlary we talyplary başardyklaryndan ýerine ýetirdiler. Olardan Mergen Ataýew “Aýly Agşam” aýdymy, Begdurdy Çerkezow “Ýatla meni”, “Mežnunyň ariýasy” ,Söhbet Maksatmyradowyň “Leýla”, Muhammetaly Muhammedowyň “ Söýgi aýdymy“ ýerine ýetiren aýdymlary to Çary Saparmyradow barada dürli ýatlamalar bilen ýatlap Maýa Kuluyýewa adyndaky Türkmen milli Konserwatoriýanyň uly mugallymy Suwhan Tüýliýew çykyş etdiler. Olar halypany gowy sözler bilen ýatlap, onuň tirseginden galdyrdylar. Çary Saparmyradow işlän ýyllarynda onuň elinden çykan birnäçe talyplary gutaryp, olaryň hem atly abraýly sungat işgäri bolandygyny, olaryň hem sungata öz orunlaryny tapandygyny belläp geçdiler.
Soňra okuw jaýymyzyň halypa mugallymy Aýna Daňatarowa çykyş edip özüniň Çary Saparmyradowyň aýdymlaryna sazandalyk edendigini , onuň güýçli sesiniň bolandygyny işlemekden ýaýdanman öz sesiniň, aýdymlarynyň üstünde işläp geçendigini belläp geçdiler.
maşaçylaryň ýadynda halypany ýatlatdy. Çary Saparmyradowyň yzy ýitmän onuň çagalarynyň , agtyklarynyň hem sungatdan öz paýlaryny alandyklaryny görmek bolýar. Halypa mugallymyň maşgalasy Mamasoltan Saparmyradowa hem sungat adamsy bolup, bilelikde köp sanly çykyşlarda aýdym ýerine ýetirip, Mamasoltan mugallym hem sazandalyk edipdir. Ogly Aýmyrat Saparmyradow, Eziz Saparmyradow agtygy Şirhan Batyrow her haýsy bir sungatyň başynda durup, halypanyň sungaty nesilden nesile geçirip gelýärler.
Bu duşuşyklaryň geçirilmegi, halypa aýdymçylaryň ömri, döredijiligi, geçen ýollary, bize galdyran aýdymlaryny öwrenmek, diňlemek täzeden halka ýetirmek üçin dürli şertler döredilen. Biz ýaşlar şeýle gowy eşretli durmuşda ýaşamak, okamak, öwrenmek üçin uly mümkinçilikler döredip beren sungatymyzyň Hak Howandary Gahryman Arkadagymyz, Arkadagly Gahryman Serdarymyzyň janlarynyň sag, belent başlarynyň aman bolmagyny talyp ýüregimden sag bolsunlar aýtýaryn!
Hudaýberenowa Bägül Baýramgeldiýewna
Maýa Kulyýewa adyndaky TMK-nyň ýanyndaky Daňatar öwezow adyndaky TDÝSM-niň “Aýdym aýtmak sungaty” bölüminiň I ýyl talyby
Daňatar Öwezow adyndaky TMK-nyň ýanyndaky Türkmen döwlet ýörite sazçylyk mekdebinde “Zenan mertebesi-ahlak gözelligi” atly wagyz nesihat duşuşygy geçirildi.
2024-nji ýylyň 30-njy sentýabrynda “Pähim paýhas ummany Magtymguly Pyragy” ýylynda Daňatar Öwezow adyndaky TDÝSM-de talyp gelin-gyzlaryň gatnaşmagynda “Zenan mertebesi-ahlak gözelligi” atly wagyz nesihaty geçirildi. Wagyz nesihat maslahatynda mekdebiň ditektory M. Kerimow, mekdeniň Zenanlar guramasy N.Annaberdiýewa, mekdebiň Önümçülik tejribelik ýolbaşçysy S.Baýryýewa, mekdebiň Umumy ynsanperwer we durmuş ykdysady dersler bölüminiň müdüri E. Amangulyýewa dagylar çykyş etdiler.
Maslahatyň dowamynda halkymyzyň asyrlaryň dowamynda toplan ene-mamalarymyzdan miras galan milli däp-dessurlarymyzy mynasyp dowam erdirmek, maşgala ojagyna wepalylyk, asyllylyk, zähmetsöýerlik, arassa ahlaklylyk ýaly häsiýetleri terbiýelemek, tebigi gözelligi aýap saklamak, zyýanly endiklerden daşda durmak, internet ulgamyny peýdaly ullanmak, edep terbiýe barada giňişleyin çykyşlar etdiler.
Maslahatda ýurdumyzda ösüp gelýan ýaşlaryň kämilligini berkitmekde Ýaşlary Watanymyzyň daýanjy hökmünde görýän Arkadagly Gahryman Serdarymyzyň şu güni we bagtly geljegi üçin taryhy işler durmuşa geçirip, ýaşlaryň durmuşda öz mümkinçiliklerini açyp görkezmekleri üçin uly tagallalar edýändigi barada baý mazmunly gürrüňler etdiler.
Çärä gatnaşanlar sözüniň soňunda Gahryman Arkadagymyza, Arkadagly Gahryman Serdarymyza aklyş sözlerini aýtdylar we olaryň janlary sag, işleriniň rowaç bolmagyny arzuw etdiler.
Daňatar Öwezow adyndaky Türkmen döwlet ýörite sazçylyk mekdeniniň Zenanlar guramasynyň başlygy Annaberdiýewa N.O
Sazyň jadylygy-2024
Durdybaýew Azym “Kirişli saz gurallary” bölüminiň 4-nji ýyl talyby 28-30-njy sentýabr aralygynda Moskwa şäherinde online geçirilen “Sazyň jadylygy-2024” atly II halkara klassyky sungatynyň konkursynda 1 derejeli laureaty boldy.
Bäsleşigiň maksatlary we wezipeleri sazandalaryň ýerine ýetiriş ukyplaryny durmuşa geçirmek, ýokarlandyrmak, şeýle hem instrumental sungatynda zehinli ýerine ýetirijileri ýüze çykarmak we goldamak üçin şertleri döretmekden ybaratdyr.
Konkursyň şertleri boýunça gatnaşyjylar 5 minudyň dowamynda ýerine ýetiren bir eseriniň wideo ýazgysyny ugratmaly. Durdybaýew Azym “Instrumental ýerine ýetirilişi. Solo ýerine ýetirilişi” nominasiýasyna gatnaşyp, Dewid Popperyň “Tarantella” ýerine ýetiren eseriniň wideo ýazgysyny ugradyp, emin agzalaryň ýokary baha bermeklerine mynasyp boldy.
Bu üstünlik, okuw jaýynyň mugallymlary we talyplary üçin ähliumumy buýsanjy bolup, Daňatar Öwezow adyndaky Türkmen döwlet ýörite sazçylyk mekdebiniň saz sungaty boýunça hünärmenleri taýýarlamakda ähmiýetli orny tutýandygyny ýene bir gezek subut edýär.
Ähli mugallymlaryň we talyplaryň adyndan Durdybaýew Azymy ýeňişi bilen tüýs ýüregimizden gutlaýarys, oňa döredijilik ýolunda uly üstünlikleri arzuw edýäris!
Jennet ORAZOWA
Maýa Kulyýewa aduyndaky TMK-nyň ýanyndaky
Daňatar Öwezow adyndaky TDÝSM-niň
“Sazyň taryhy we nazyryýeti” bölüminiň mugallymy.
MOSKWADA ”MAGTYMGULY, SÖZLÄR TILI TÜRKMENIŇ” ATLY KONSERT GEÇIRILDI
Şu ýylyň 21-nji awgustynda “ Dostlary jemleýäris ” atly XVIII halkara aýdym-saz festiwalynyň çäklerinde Moskwanyň P.I.Çaýkowskiý adyndaky döwlet konserwatoriýasynyň Rahmaninow zalynda türkmen edebiýatynyň nusgawy şahyry, ajaýyp söz ussady we Gündogaryň beýik akyldary Magtymguly Pyragynyň dogulan güniniň 300 ýyllygyna bagyşlanyp,”Magtymguly, sözlär tili türkmeniň” atly konserdi uly üstünlik bilen geçirildi.
Özüniň gutlag ýüzlenmesinde Türkmenistanyň Russiýa Federasiýasyndaky ilçisi E.Aýdogdyýew “Şu günki konsert hakykatdanam Magtymguly Pyragynyň adynyň Russiýada ägirt uly hormata eýediginiň we onuň ykrar edilmeginiň, iki ýurduň halklarynyň arasyndaky aýrylmaz dostlyk bagynyň we özara hormatyň aýdyň subutnamasy bolup durýar .
Şu ýyl Russiýada Magtymguly Pyragynyň 300 ýyllyk ýubileýi giňden bellenilýär. Moskwa, Sank-Peterburg , Astrahan, Kazan – bu Russiýanyň çäklerinde geçirilýän we dowam etdiriljek dabaraly çäreleriň äldir. Türkmenistanda muňa yokary baha berilýär.
Türkmen Aýdymçy-sazandalarynyň konsert programmalarynda Magtymguly Pyragynyň goşgylaryna ýazylan wokal we instrumental eserler, şeýle hem türkmen edebiýatynyň beýik nusgawy şahyryna bagyşlanan kompazisiýalar uly orun tutdy. Konserdiň guraýjylary bolup Türkmenistanyň Russiýa Federasiýasyndaky Ilçihanasy, N Halmämmedowyň adyny göterýän
“Dutaryň owazy” festiwalynyň direktory M.Guseýnow we Moskwa döwlet konserwatoriýasy çykyş etdiler.
Bu uly halkara dost-doganlyk çäresinde Russiýaly wokal aýdymçylar bilen bilelikde, Maýa Kulyýewa adyndaky TMK-nyň ýanyndaky Daňatar Öwezow adyndaky TDÝSM-nyň mugallymlary Seýran Kasimi we Begdurdy Çerkezow çykyş etmek bagty nesip etdi. Bu bolsa meniň durmuşymda iňbir ýatdan çykmajak şatlykly hem tolgundyryjy pursatlaryň biri boldy. Sebäbi ol konserwatoriýada biziň adybelli nusgawy kompazitorlarymyz, wokal aýdymçylarymyz, birnäçe sazanda halypalarymyz halypa diriziorlarymyz okap bilim alypdyr. Ol sahnalarda bolsa bizede çykyş etmek uly bagt. Bu konsertde adyndan belli boluşy ýaly Magtymguly Pyragynyň sözlerine düzülen aýdymdyr romanslary fortepiano saz guraly bilen bilelikde ýerine ýetirdim. Has dogrysy türkmen kompazitorlarymyzyň sazyna ýazylan eserleri daşary döwletlerde ýerine ýetirmek, olary giňden ýaýmak biz üçin uly bagt we borç bolup durýar.
Bu konsert mende uly täsir galdyrdy we gelejekki etmeli işlerime uly höwes döretdi. Men bu konsertde W.Muhadowyň “Bu derdi”romansyny, N.Halmämmedowyň ”Pukaraýam” romansyny,Ý.Meýtusyň Magtymgyly operasyndan “Magtymgulynyň ariýasyny” we Russiýaly kompazitor M.Guseýnowyň ”Meniň topragym” diýen eserlerini ýerine ýetirdim. Diňleýjiler türkmen aýdymçy-sazandalarymyzyň çykyşyny uly höwes bilen diňlediler. Bize öz zehinimizi türkmen saz sungatymyzy dünýäniň çar künjinde açyp görkezmek we ýaýmak üçin birnäçe mümkinçilikleri döredip berýän Türkmen halkynyň Milli Lideri Gahryman Arkadagymyza, Arkadagly Gahryman Serdarymyza özümiň çäksiz minnetdarlygymy bildirýärin.Goý Gahryman Arkadagymyzyň, Arkadagly Gahryman Serdarymyzyň janylary sag, ähli il-ýurt bähbitli tutýan tutumly işleri elmydama rowaçlyklara beslensin.
Begdurdy Çerkezow
Maýa Kulyýewa adyndaky TMK-nyň ýanyndaky
Daňatar Öwezow adyndaky TDÝSM-nyň
”Aýdym aýytmak sungaty” bölüminiň mugallymy.
