Halk saz gurallary
Halk saz gurallary bölümi mekdebiniň açylmagy bilen hereket edip gelýär. Häzirki wagta Halk saz gurallary hünäri boýunça akkordeon, baýan we gitara saz gurallary boýunça hünärmenler taýýarlanylýar. Okuwyň möhleti 3 ýyl 10 aý.
Dünyä medeniýetini we sungatyny, saz sowadyny öwrenmek bilen bir hatarda dürli ýerine ýetirijilik meselelerden baş alyp çykarmak, saz eseriniň çeperçilik häsiýetlerine özbaşdak obýektiw baha bermek, saz eseriniň gurluşyny düşünmek, nota boýunça ýüzugra okamak başarnyklary ösdürilýär. Hünär başarnyklaryny özünde jemleýän, tejribe-ugrukdyryjy başarnyklarynyň kemala getirilmegi we ösdürilmegi, geljekde mugallymçylyk käriniň resmi iş kagyzlaryny, sapagy meýilleşdirmegi we guramagy başarmakdan ybarat bolan kär işiniň endikleriniň ele alynmagyny, özüniň okadýan saz guralyny kämil bilmegi ýekelikde çykyş etmegi we sazandarlyk etmegi, medeniýet ulgamynda we aýdym, saz hem-de medeniýet ojaklarynda işlemek üçin başarnyklarynyň kemala getirmek üçin ugrukdyrylýar.
Bölümiň uçurymlaryna orkestriň artisti, orkestriň ýolbaşçysy, çagalar sazçylyk, sungat mekdepleriniň mugallymy käri berilýär. Olar okuwy tamamlanlaryndan soňra çagalar sazçylyk, sungat mekdeplerinde, Medeniýet ulgamyna degişli bolan edaralarynda hereket edýän halk saz gurallary orkestrlerinde işlemek hukugy berilýär.
