Gyrgyzystanyň paýtagtynda Halkara parahatçylyk we ynanyşmak ýylyna bagyşlanan halkara maslahat guraldy
Bişkekde Halkara parahatçylyk we ynanyşmak ýylyna bagyşlanan halkara maslahat geçirildi. Maslahata Gyrgyzystandaky daşary ýurtlaryň we halkara guramalaryň diplomatik wekilhanalarynyň ýolbaşçylary, döwlet edaralarynyň wekilleri, ylmy jemgyýetçiligiň wekilleri, syýasatşynaslar we metbugat wekilleri gatnaşdylar.
Türkmenistanyň DIM-iniň habar bermegine görä, çykyşlaryň dowamynda BMG-niň Baş Assambleýasynyň 80-nji mejlisinde Türkmenistanyň Prezidenti Serdar Berdimuhamedowyň halkara hyzmatdaşlygyny we ynanyşmagy berkitmäge gönükdirilen birnäçe başlangyçlary öňe sürendigi bellenildi.
Maslahata gatnaşyjylar Halkara parahatçylyk we ynanyşmak ýylynyň ählumumy dialogy ösdürmekde we parahatçylyk, durnuklylyk hem-de gülläp ösüş ugrunda özara hyzmatdaşlygy giňeltmekde täze mümkinçilikleri açýandygyny bellediler.
Mundan başga-da, myhmanlara Türkmenistanyň gazanan üstünliklerini şöhlelendirýän wideoýazgy görkezildi.
