«Kamerata Aşgabat» sizi güýzki konsertine çagyrýar
1-nji noýabrda Aşgabatdaky «Watan» kino-konsert zalynda «Kamerata Aşgabat» orkestriniň ýerine ýetirmeginde «Güýz nagmalary» atly konsert geçiriler. Orkestriň çeper ýolbaşçysy — Bahram Dolyýew, dirižýory — Eziz Jumanyýazow.
Konsertde aýdymçylar Döwran Şammyýew we Aýna Baýramgeldiýewa çykyş ederler.
Aýdym-sazly agşamda kompozitor Röwşen Nepesowyň «Rowaýat» atly eseri ilkinji gezek diňleýjilere ýetiriler. Bu eser TÝRKSOÝ guramasynyň halkara bäsleşiginde Gran-pri baýragyna mynasyp bolupdy.
Konsert sagat 19:00-da başlanýar.
Biletler bilen bagly soraglar boýunça bildirişde görkezilen telefon belgisine ýüz tutup bilersiňiz:
(+993 61 23 52 34).
