“Meniň hünärim” atly prezentasiýa bäsleşigi
Berkarar döwletiň täze eýýamynyň Galkynyşy döwründe beýik ösüşleri nazarlaýan ýurdumyzda ähli ulgamlar bilen bir hatarda milli medeni mirasymyz, medeniýetimizi, sungatymyzн, taryhymyzн, olary gorap saklamak ýaş nesillere ýetirmeklige uly ähmiýet berlip, hil taýdan kämilleşdirilýär. Hormatly Prezidentimiziň tagallasy netijesinde durmuşa geçirilýän beýik işler belent üstünliklere guwanyp ýaşaýan halkymyzy döredijilikli zähmete ruhlandyrýar.
Garaşsyz döwletimizde bilim ulgamyny kämilleşdirmäge uly üns berilýär. Geljegimiz bolan ýaş nesilleriň ylymly, bilimli, maksada okgunly bolup kemala gelmegi boýunça giň gerimli işler durmuşa geçirilýär. Talyp ýaşlaryň öz alýan bilimlerini görkezmek maksady bilen Maýa Kulyýewa adyndaky Türkmen Millli Konserwatoriýasynyň ýanyndaky Daňatar Öwezow adyndaky Türmen Döwlet ýörite sazçylyk mekdebiniň "Umumy ynsanperwerlik we durmuşy ykdysady" dersleri bölümi tarapyndan Bitaraplygymyzyň 30 ýyllygy mynasybetli talyp ýaşlaryň arasynda “ Meniň hünärim” atly prezentasiýa bäsleşigi geçirildi. Bäsleşigiň şerti boýunça, bäsleşige gatnaşýan talyplar prezentasiýalarynda öz hünärleri bilen tanyşdyrdylar. Bäsleşige gatnaşan talyplar öz çykyşlaryny edenden soň emin agzalar toparynyň beren adalatly bahalary netijesinde bäsleşigiň 1-nji, 2-nji, 3-nji orunlary kesgitlendi. 1-nji oruna Kakamyradowa Merjen “Aýdym aýtmak sungaty” bölüminiň II-ýyl talyby, “Horeografiýa sungaty” bölüminiň II-ýyl talyby Kakabaýewa Ogulgül, 2-nji oruna “Sazyň taryhy we nazaryýeti” bölüminiň I- ýyl talyby Günhan Kurbanow , 3-nji oruna bolsa “Hor dirižýorlygy” bölüminiň I-ýyl talyby Gurdowa Ogulşeker dagylar mynasyp boldylar. Ýeňijilere hormat hatlary we ýadygärlik sowgatlar gowşuryldy. Şeýle bäsleşikleriň yzygider gurnalmagy , talyp ýaşlaryň öz bilimlerini ýüze çykarmak şeýle hem ukyp başarnyklaryny görkezmäge uly mümkinçilikleri döredýär.
Maýa Kulyýewa adyndaky
Türkmen Millli Konserwatoriýasynyň
ýanyndaky Daňatar Öwezow adyndaky
Türkmen Döwlet ýörite sazçylyk mekdebiniň
"Aýdym aýtmak sungaty" bölüminiň II-ýyl talyby
Kakamyradowa Merjen
