“Magtymguly dünýäniň akyldary” kitaby “Köňüllere buýsanç - ýaşlara ylham”
Gahryman Arkadagly Serdarmyzyň “Magtymguly dünýäniň akyldary” kitaby “Köňüllere buýsanç - ýaşlara ylham”
“Halkara parahatçylyk we ynanyşmak ýylynda” toýlary toýlara ulaşýan ajaýyp Diýarymyzda, bedew bady bilen ynamly öňe barýan ýurdumyzda geçirilýän çäreler has-da ýaýbaňlandyrylýar. Bu günler ýokary okuw we ýörite orta hünär okuw jaýlarynda uly dabara bilen Hormatly Prezidentimiziň Gahryman Arkdagly Serdarymyzyň halkymyza sowgat eden täze kitaby “Magtymguly dünýäniň akyldary” atly bu kitabyň tanyşdyrylyş dabarasy uludan bellenilýär. Sungat ojagy bolan, Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinde halypa mugallymlaryň we talyp ýaşlaryň gatnaşmagynda täsirli kitabyň tanyşdyrylyş dabarasy geçirildi. Gahryman Arkdagly Serdarymyzyň “Magtymguly dünýäniň akyldary” atly kitaby ylmyň we çeper edebiýatyň muşdaklarynyň, Magtymguly Pyragynyň edebi mirasyny öwrenijilere giň jemgyýetçilige niýetlenendir. Kitabyň mazmunynyň aýratynlyklary hakda aýdylyp, içindäki altyna barabar taryhy teswirlemeler hakynda gürrüň edilmegi bolsa talyp ýaşlar üçin has hem täsirli boldy.
Maýa Kulyýewa adyndaky
TMK-nyň ýanyndaky Daňatar Öwezow adyndaky
Türkmen Döwlet ýörite sazçylyk mekdebiniň
“Aýdym aýtmak” sungaty bölüminiň mugallymy
Garryýewa Bägül
