SAZ ÝURTLARY DOSTLAŞDYRÝAN JADYLY SUNGAT
Hormatly Prezidentimiziň başda durmagynda diýarymyz halkara derejeli medeni çäreleriň geçirilýän mekanyna öwrüldi. Medeniýetimiz sungatymyz, aýdym-sazymyz gadymy milliligimiz dünýäniň ähli ýerlerinden gelen daşary ýurtly myhmanlarymyzyň ünsüni özüne çekýän jadylaýjy sungat hasaplanýar. Maýa Kulyýewa adyndaky Türkmen milli konswerwatoriýasynyň Maýa Kulyýewa adyndaky TMK-nyň we Daňatar Öwezow adyndaky TDÝSM-niň mugallymlarynyň arasynda ynsanperwer durmuş ykdysady dersleri boýunça “2025-nji ýyl Halkara parahatçylyk we ynanyşmak ýyly” we hemişelik Bitaraplygymyzyň 30 ýyllygy mynasybetli “Aýdym-saz sungatynda daşary ýurt dilleriniň ähmiýeti” atly ylmy-usuly mashlahat geçirildi. Maslahada sazçylyk mekdebimizden rus dili mugallymy Şirin Rejepowa, iňlis dili mugallymy Gyrmyzy Gurbanýazowa şeýle hem birnäçe talyp ýaşlarymyz gatnaşdylar. Olardan Aýjeren Abdyllaýewa, Günhan Kurbanow daşary ýurt dillerinde çykyş etdiler.
Ata Watanymyz Türkmenistan dünýäniň köp ýurtlaryndan myhmanlaryň gatnaşmaklarynda geçirilýän konsertleriň, uly konferensiýalaryň, medeni çäreleriň geçirilýän merkezine öwürüldi. Bu gatnaşyklarynyň berkemeginde medeniýetiň, aýdym-sazyň ähmiýeti uludyr. Daşary ýurtlardan gelen myhmanlarymyzyň sungatlaryny, aýdym-sazlaryny öwrenmek aýdymçylaryň, sazandalaryň, bagşylaryň ähli medeniýet işgärleriniň olar bilen bir sahnalarda çykyş etmekleri, şeýle hem olaryň milliligini öwrenmegä mümkinçilikler döredilýär.
Aýdym-saz jadylaýjy sungat, şol sebäpli hem aýdymlary bir sahanada ýerine ýetirmek medeniýet işgärlerini dostluga, parahatçylyga, agzybirlige çagyryş bolup durýar. Milli medeni gymmatlyklarymyz türkmen halky üçin milli mertebedir hem-de buýsanç çeşmesidir.
Gahryman Arkadagymyz “Medeniýet halkymyzyň kalbydyr, milletimiz mertebesidir” diýip belleýär. Şol sebäpli hem ýurdumyzda ruhy baýlygymyz bolan milli medeniýetimizi, şeýle-de sungatymyzy ösdürmäge, baý mirasymyzy gorap saklamaga hem-de ony dünýäniň ähli künjeginde konsertler bilen çykyş etmek, wagyz etmäge gönükdirilendir.
Gahryman Arkadagymyzyň “Parahatçylyk sazy, dost, doganlyk sazy” atly kitaby, halklary, adamlary parahatçylygy gözlemegä çagyrýan, parahatçylygy döretmegiň, hakykatyň we adalatyň dabaralanmagyny gazanmagyň döredijilik medeniýetine daýanmagyň, “Zer gadyryny bilýän zergär döretmegiň” ýoluny tapan kitapdyr. Asuda durmuşda ýaşamagyň, abadanlygyň salgysyny berýän, saz-söhbediň ynsan üçin ýagşylyk paýydygyny, ruhy baýlygyň ojagynyň asuda bolýanlygyny düşündirýän kitapdyr. Bu kitap ýollarymyzyň açyk bolup, howpsuz geljek üçin aladalara ýugrulan, ýagşy niýeti ýaran edinen sungatlaryň söhbedidir.
Bu günki gün Türkmenistan parahatçylygyň sebit merkezi, bagtyýar abadan durmuşyň, döredijilikli zähmetiň gaýnap joşýan mekany hökmünde tanalýar. Parahatsöýüjilik milli gymmatlyklarymyzyň, gadymdan gelýän ýörelgelerimiziň beýany bolup orta çykýar. Şeýle ýörelgäniň esasynda bolsa halkyň erk-islegi hasyl bolýar. Ýurdumyzyň medeniýet we sungat ussatlary dünýä ýurtlarynda geçirilýän halkara medeni çärelere işjeň gatnaşyp, türkmen medeniýetini äleme tanadýarlar. Medeniýet halkaryň dostluk köprüsi bolup, ol halklaryň sungaty aýdym-sazlaryny öwrenmäge uly ýol açýar. Parahatçylyk, agzybirlik dostluk aýdymlary milli aýdymlarymyzda belentde ýaňlanýar.
“Halkara Parahatçylyk we ynanyşmak” ýylynda hem dünýäni ençeme ýurtlarynda medeniýet we sungat işgärlerimiz iş saparlarynda bolmaklary, ýagny şu ýyl Gazagystanyň Aktau şäherinde “Türki dünýäniň medeni paýtagty” diýip yglan edilmegi mynasybetli ýurdumyzyň sungat ussatlarynyň gatnaşmagy, şeýle hem Hytaý Halk Respublikasynyň Sian şäherinde dabaraly konsertleri gurnamagy, ondan başgada birnäçe goňşy döwletlerde medeni çäreleriň ençemesi gurnaldy. Bu goňşy döwletler dostlukly aýdym sazlaryň ýaňlanmagy dünýäniň ýurtlary bilen dostlukly hyzmatdaşlygy, parahatçylygy, agzybirligi, medeni gatnaşyklarymyzyň barha giňemegine, ösmegine uly ýardam berýär.
Türkmen medeniýeti. Bu sözde şöhratly taryhy bolan türkmen halkynyň köňül nagmasy jemlenendir. Medeniýet her bir döwletiň ykbalyny, taryhyny açyp görkezýän ylahy baýlykdyr. Ol ynsan kalbynda ýaşaýyşa bolan söýgüni oýarýar, ruhuňy beýgeldýär. Şol sebäpli ynsan hemişe medeniýete, sungata bagly ýaşaýar.
Gahryman Arkdagymyzyň, Arkadagly Prezidentimiziñ öňdengörüjilikli, pähim-paýhasa ýugrulan içeri we daşary syýasaty diňe bir halkymyzyň, ata Watanymyzyñ geljekki gülläp ösüşlerine hyzmat etmek bilen çäklenmän eýsem, tutuş dünýäniñ halklarynyň abadan, asuda, parahatçylykly ýaşaýşyny üpjün etmegi nazarlaýar. Şeýle beýik işleri durmuşa geçirýän, bütin älem giňişliginde milletimiziñ mertebesiniñ has-da belende göterilmegi ugrunda uly tagallalar edýän Gahryman Arkadagymyz, Hormatly Prezidentimiz Arkadagly Gahryman Serdarymyz bardyr.
Berkarar döwletiň täze eýýamynyň Galkynyşy döwründe “Halkara parahatçylyk we ynanyşmak ýylynda” Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde milli medeniýetimizi, sungatymyzy, edebiýatymyzy gadymy şöhratly taryhymyzy dünýä ýaýmakda alyp barýan uly işleri üçin köp sag bolsunlarymyzy aýtýarys.Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň dik bolmaklaryny, döwlet ähmiýetli, il bähbitli, tutýan tutumly işleri rowaçlyklardan rowaçlyklara beslenmegini tüýs ýürekden arzuw edýäris.
Hudaýberenowa Bägül
Maýa Kulyýewa adyndaky TMK-nyň
ýanyndaky Daňatar Öwezow adyndaky
TDÝSM-niň “Aýdym aýtmak sungaty”
bölüminiň II ýyl talyby
