Geliň “Aýdym aýdalyň”
Berkarar döwletiň täze eýýamynyň Galkynyşy döwründe beýik ösüşleri nazarlaýan ýurdumyzda ähli ulgamlar bilen bir hatarda milli medeni mirasymyz, medeniýetimiz, sungatymyz, taryhymyz, olary gorap saklamak ýaş nesillere ýetirmek ähmiýet berlip, hil taýdan kämilleşdirilýär. Hormatly Prezidentimiziň tagallasy netijesinde durmuşa geçirilýän beýik işler belent üstünliklere guwanyp ýaşaýan halkymyzy döredijilikli zähmete ruhlandyrýar.
Hormatly Prezidentimiz «Ýaşlar– Watanyň daýanjy» atly kitabynda: «Her bir döwletiň we jemgyýetiň sazlaşykly ösüşi ylym bilen aýrylmaz baglanyşyklydyr. Şoňa görä-de, Garaşsyz döwletimizde ylym ulgamyny kämilleşdirmäge uly üns berýäris» diýip belleýär. Hut şu parasatly sözlerden görnüşi ýaly, geljegimiz bolan ýaş nesilleriň ylymly, bilimli, maksada okgunly bolup kemala gelmegi boýunça giň gerimli işler durmuşa geçirilýär. Talyp ýaşlaryň öz alýan bilimlerini görkezmek maksady bilen Maýa Kulyýewa adyndaky Türkmen millli konserwatoriýasynyň gurnamagynda Ahal welaýat we Arkadag şäheri, şeýle hem Maýa Kulyýewa adyndaky TMK-nyň ýanyndaky Daňatar Öwezow adyndaky Türkmen döwlet ýörite sazçylyk mekdepleriniň talyplaryndan düzülen ansambl toparlarynyň gatnaşmagynda “Aýdym aýdalyň” atly ansambl bäsleşigi geçirildi.
Şol bäsleşige medeniýet ojagymyz bolan Maýa Kulyýewa adyndaky Türkmen millli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň “Aýdym aýtmak sungaty” bölüminiň IV ýyl talyplary Aýjeren Abdyllaýewa, Muhammetaly Muhamedow, Yhlas Welhanow, Güljeren Sähetliýewa, Mekan Aýdogdyýew dagylar gatnaşdylar. Olar daşary ýurt we türkmen ansambl aýdymlaryny, a’сappella aýdymlaryny ýerine ýetirdiler. Ol ýerine ýetirilen aýdymlar halypa mugallymlardan düzülen eminler toparynyň el çarpyşmalaryna mynasyp boldylar.
Şol bäsleşikde öz ukyp başarnyklaryny, zehinlerini görkezip baýrakly orunlara mynasyp boldylar. Ýagny Aýjeren Abdyllaýewa, Yhlas Welihanow II orna, Muhammetaly Muhammedow, Aýjeren Abdyllaýewa III orna mynasyp boldylar. Talyplaryň baýrakly orunlara mynasyp bolmagy olaryň halypa mugallymlarynyň buýsanjyny has-da belende göterdi.
Şeýle bäsleşikleriň gurnalmagy, talyp ýaşlaryň öz bilimlerini ýüze çykarmak üçin, irginsiz zähmet çekip, öz saýlap alan kärlerini görkezmek ugrunda halypa mugallymlary bilen bilelikde zehinlerini görkezmegi başardylar.
Biz ýaşlara okamaga, döretmäge, medeniýetimizi, sungatymyzy açyp görkezmäge uly mümkinçilikler döredip berýän Gahryman Arkadagymyza, Arkadagly Gahryman Serdarymyza talyp ýüregimizden minnetdarlygymyzy bildirýäris.
Hormatly Prezidentimiziñ öňdengörüjilikli, pähim-paýhasa ýugrulan içeri we daşary syýasaty diňe bir halkymyzyň, ata Watanymyzyñ geljekki gülläp ösüşlerine hyzmat etmek bilen çäklenmän, tutuş dünýäniñ halklarynyň abadan, asuda, parahatçylykly ýaşaýşyny üpjün etmegi nazarlaýar. Şeýle beýik işleri durmuşa geçirýän, bütin älem giňişliginde milletimiziñ mertebesiniñ has-da belende göterilmegi ugrunda tagalla edýän Gahryman Arkadagymyzyñ, Hormatly Prezidentimiz Arkadagly Gahryman Serdarymyzyň janlarynyň sag, belent başlarynyň aman bolmagyny, umumyadamzat bähbitli başlangyçlary, döwletli işleriniň elmydama rowaçlyklara beslenmegini arzuw edýäris.
Maýa Kulyýewa adyndaky
TMK-nyň ýanyndanky Daňatar
Öwezow adyndaky TDÝSM-niň
“Aýdym aýtmak sungaty” bölüminiň IV ýyl talyby
Aýjeren Abdyllaýewa
