Türkmen bedewiniň milli baýramy.
Türkmen bedewiniň milli baýramy.
“Halkara parahatçylyk we ynanyşmak” ýylynda her bir günümiz şanly toý baýramlara beslenýär. Diýarymyzyň ähli künjeginde Türkmen bedewiniň milli baýramy mynbasybetli toýlar ulydan toýlanylýar. Türkmen halkynyň milli dünýäsini nurlandyran, milli buýsanjyna, baýlygyna öwrülen gymmatlyklarymyzyň biri-de Ahalteke bedewlerimizdir. Bu baýramçylyk mynasybetli Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebi hem-de “Miras” teleýaýlymy bilen “Medeni-miras” gepleşiginde söhbetdeşlik gurnalyndy we halk köpçüligine ýetirildi.
Bu söhbetdeşlige mekdebimiziň Şäher Täçow, Spartak Atakow, Aýtäç Mededowa, Mähri Jumaýewa, Bägül Garryýewa mugallymlar çykyş etdiler. Biziň ata-babalarymyzyň müňýyllyklaryň dowamyndan bäri biziň günlerimize gelip ýeten atçylyk bilen meşgullanmak, seýislemek, iýdeg etmek, behişdi bedewlerimizi toý baýramlarymyzda milli şaý-seplerimiz bilen bezemek däpleri hakynda we Gahryman Arkadagymyzyň, Arkadagly Gahryman Serdarymyzyň tagallalary netijesinde , ýurdumyzda we dünýäniň ösen döwletleriň arasynda owadanlykda, çydamlylykda, ýyndamlykda , ýow gününde goldaw beren uçar ganatyna öwrülen ahalteke bedewlerimiz hakynda täsirli gürrüňler aýdyldy.
Söhbetdeşlikde Şäher mugallymyň “Görogly” eposynda edermelikde, gaýduwsyzlykda, watansöýüjilikde Göroglynyň we onuň Gyratynyň keşbi hakynda gyzykly gürrüň berdi hem-de “Görogly” eposyndan behişgi bedewlerimiz wasp edýän şahyrlaryň şygyrlarynda ajap setir , sazandanyň saz guralynda ajap mukam, aýdymçynyň dilinde ajap aýdym bolup, waspy ýetirilýän behişdi bedewlerimiz hakynda sözlemäne sözler ýetmez. Şeýle täsirli gürrüňler bilen söhbetdeşlikde üstünlikli gurnalyndy. Türkmeniň behişdi bedewleriniň baýramy mynasybetli gurnalan söhbetdeşligiň ahyrynda mugallymlar talyp ýaşlaryny okatmakda, saz çalmakda, sungatyň taryhyny öwretmekde mundan beýläkde janyny gaýgyrman zähmet çekjekdiklerini aýtdyp Gahryman Arkadagymyza, Arkadagly Gahryman Serdarymyza köp sag bolsun aýtdylar.
Türkmen medeniýeti we sungaty döwriň belentliklerine sary alyp barýan Türkmen halkynyň Milli Lideri, Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, il-ýurt döwlet ähmiýetli işleriniň rowaç almagyny tüýs ýürekden arzuw etdiler.
Bägül Garryýewa Ýazmämmedowna
Maýa Kulyýewa adyndaky Türkmen milli
konserwatoriýasynyň ýanyndanky Daňatar
Öwezow adyndaky Türkmen Döwlet ýörite
sazçylyk mekdebiniň mugallymy.
